Autotrofia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

As plantas son organismos autotrofos.

L'autotrofia (d'o griego «auto», uno mesmo, y «troph», alimento, nutrient) ye l'habilidat de cualques sers vivos de sintetizar as suyas propias moleculas organicas a partir de precursors inorganicos (principalment, CO₂), con un metabolismo especifico.

Dende o punto d'envista d'a ecolochía trofica, y especialment en os diagramas de cadenas troficas y piramides troficas, os organismos autotrofos reciben tamién o nombre de «productors primarios» u simplament «productors», pus son os principals sintetizadors y alportadors moleculas organicas a lo ecosistema, que dimpués atros organismos han d'emplegar.

Termodinamica

Como o proceso de sintesi de moleculas complexas a partir de precursors simples contraviene o principio termodinamico de disminución d'a entalpía (a «tendencia a o desorden») y ye, por tanto, un tipo de reacción quimica que amenista un alporte d'enerchía externo (reacción endotermica), normalment os organismos autotrofos obtienen ixa enerchía necesaria de fuents diversas, lo cual da lugar a una clasificación paralela d'os autotrofos.

Asinas, existen sers vivos autotrofos que son fototrofos, pus quitan a enerchía d'a luz. En i ha tamién que son quimiotrofos, y la quitan d'atros compuestos quimicos de mayor enerchía. A parola autotrofo se puede combinar alavez con ixes terminos ta dar una información mas completa, y se diz que i ha organismos fotoautotrofos (a mayoría lo son) y quimioautotrofos (muit poquez).

Se veiga tamién

• Heterotrofia.
• Fototrofia.
  • Fotoautotrofia.
  • Fotoheterotrofia.
• Litotrofia.
  • Fotolitotrofia.
  • Quimiolitotrofia.
• Quimiotrofia.
  • Quimioautotrofia.
  • Quimioheterotrofia.