Béisbol

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O béisbol (de l'anglés baseball) ye un esporte en que l'obchetivo ye fer cursas, que es poden fer golpeando una pilota con un bate y tocando cuatre bases situadas en as cantonadas d'un cuadrau en o campo, dito diamant. Se chuga con 18 chugadors (9 por equipo) que alternan ta golpear, equipo que ataca, y tirar a pilota, equipo que esfensa y elimina os chugadors de l'atro equipo.

Ye uno d'os esportes mas populars en Venezuela, Chapón, Cuba, Estaus Unius, Nicaragua, Panamá, Republica Dominicana y Taiwán. En Europa no ye guaire popular, encara que bi ha una mica d'intrés en os Países Baixos, Italia y Espanya, estatos que han ganato bel títol europeu.

En Espanya ye regulau por a Reyal Federación Espanyola de Béisbol y Sófbol (RFEBS) que tamién organiza as competicions a nivel nacional. O millor equipo d'a historia en Espanya en as categorías masculina y femenina ye Club Béisbol Viladecans pero en zaguerias o gran dominador masculín ye o Tenerife Marlins y en a femenina o Club Atlético San Sebastián. En Aragón cal destacar que no bi ha federación autonomica sino que una delegación d'a Federación Espanyola, entre os clubs cal destacar o Miralbueno CSS de Zaragoza con dos partecipacions en a División d'Honor, o Club De Béisbol Huesca, conoixitos como Javatos Huesca y o Stadium Venecia.

Estió esporte olimpico dende 1992 dica 2008.

Vinclos externos[editar | modificar o codigo]

Se veigan as imáchens de Commons sobre Baseball.
(es)/(es) Federación Internacional de Béisbol.
(es) Federación Espanyola de Béisbol.