Cuitre
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre o cuitre que ye un tipo d'aladro. Ta atros usos d'o termin cuitre, se veiga Cuitre (desambigación).
O cuitre u cutre (d'o latín <*CULTURE) ye un apero de labranza que se fa servir ta «cuitrar» u romper a napa superficial d'a tierra d'un campo nuevo u que haiga estau d'erial antes de poder-la labrar con l'aladro romano.
Con l'uso d'o cuitre se miraba d'evitar a fractura de partes de l'aladro, mas delicau, u que se malmetese as partes metalicas d'aquel, como a rella, que en o mundo tradicional cuan a ferrería yera un treballo d'artesanía suposaba un esfuerzo important recomponer-la.
Estructuralment, o cuitre yera un aladro de tipo romano, que s'asemella a la forma que tiene un aladro romano común pero mas chicorrón y feito totalment de madera. Ista ye a forma mas desarrollada que podeba tener. En muitos casos, o cuitre no yera sique un palo esluciau por a punta que se punchaba en tierra y serviba ta esgarrar as venas d'a vechetación anterior y vulcar as tozas.