Esporte

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'esporte ye una actividat fisica en que se siguen un conchunto de reglas u de costumbres, y que se fa a ormino con un afán competitivo. En cheneral, o termin fa referencia a actividaz an que a capacidat fisica d'o esportista determina de manera unica u prencipal o resultau (ganar u perder). Manimenos, tamién se fa servir ta referir-se a actividaz an que atras capacidaz externas como a calidat de l'equipamiento u l'agudeza mental, no ligatas dreitament a o fisico d'o esportista, son factors decisivos. Ixe ye o caso, por eixemplo, d'os esportes mentals u os esportes de motor. Os esportes son una entretenedera ta qui los practica y tamién ta qui los veye, u puedes estar un treballo ta vivir d'ixo (esporte profesional), como ye o caso d'os futbolers profesionals.

Anque os termins esporte y actividat fisica gosan trafucar-sen, a diferencia ye en que o primero implica un caracter competitivo que no cal en o segundo.

Clasificación d'os esportes[editar | modificar o codigo]

Categoría principal: Esporte.

Os esportes pueden estar claseficatos de muitas formas. Beluns d'os mes basicos destinguen os esportes individuals y os esportes d'equipe, seguntes os accesorios ta practicarlos (de pilota, de raqueta, de luita, de patins, etc.), un atra forma ye o sitio a on es practican (de nieu, d'interior, a l'aire libre, etc.).

Tamién pueden estar claseficatos seguntes a dedicación d'os practicants (profesionals o amaters), o d'os espectadors (esportes minoritaris i esportes de masas).

Atra claseficación muito estendillata ye seguntes a suya relacion con os Chuegos Olimpicos pudiendo estar esportes olimpicos, esportes olimpicos d´hibierno, esportes olimpicos de verano, antigos esportes olimpicos y no olimpicos.