Sikhismo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Templo sikh.

O sikhismo (en parsi ਸਿੱਖੀ, sikkhī, ) ye una relichión d'orichen indio que se desarrolló en o contexto d'o conflicto entre as doctrinas d'o hinduismo y o islam. Os seguidors d'o sikhismo se dicen sikhs.

O termin sikh significa en panchabi "disciplo fuerte y cerrino". A doctrina basica d'o sikhismo pende d'a creyencia en un dios unico y en as amostranzas d'os Diez Gurús d'o sikhismo, replecatas en o libro sagrato d'os sikhs, o Guru Granth Sahib. O sikhismo combina o monoteísmo estrito, d'orichen musulmán, con tradicions indias.

O numero de sikhs en o mundo ye d'alto u baixo bels 23 millons, o cual fa que o sikhismo sía la cinquena relichión mundial. Bels 19 millons viven en India, y a mayor parti d'istos, en o estato de Panchab. A rechión de Panchab incluye tamién una parti de Pakistán, pero a mayor parti d'os sikhs que viviban en o territorio actual de Pakistán emigroron ta India dimpués d'a división d'a India britanica en 1947 ta evitar as persecucions relichiosas. Existen numerosas comunidaz sikhs en o Reino Uniu, en Estaus Unius y en Canadá. Tamién son una minoría important en Malaisia y Singapur.

A forma literaria d'a luenga panchabi, escrita en alfabeto gurmukhi, ye mui ligata a la relichión sikh. Os fablants de panchabi hindús u musulmans emplegan cheneralment l'indi y l'urdú, respectivament, como luengas escritas, y son prencipalment os sikhs quí escriben en panchabi.

Etimolochía d'o nombre

A palabra «sikh» provién d'a palabra en sanscrito शिष्य (śiṣya), que significa disciplo u estudiant, u de शिक्ष (śikṣa), que significa estudio u instrucción.

Vinclos externos

• Se veigan as imáchens de Commons sobre o Sikhismo.